Die Pool Familie Trust is gevestig in ’n diep verbintenis tot die mense en gemeenskappe van die Breedevallei. Geïnspireer deur die nalatenskap van Sarel en Hettie Pool, wie se lewens gekenmerk is deur deernis, diensbaarheid en vrygewigheid, beywer die Trust hom om in mense te belê en geleenthede vir betekenisvolle groei en ontwikkeling te skep. Vir ons is dit veel meer as bloot liefdadigheid – dit is die voortsetting van ’n familietradisie, gegrond op omgee, deernis en ’n diepgaande toewyding aan mense en gemeenskappe.